१. मृत्युपत्र करणारी व्यक्ती (Testator)

• मृत्युपत्र करणारी व्यक्ती ही स्वत:च्या संपत्तीवर पूर्ण हक्क असणारी असावी.
• ती मानसिकदृष्ट्या सक्षम (sound mind) आणि प्रौढ (major) असावी.
• कोणत्याही दबावाखाली किंवा जबरदस्तीने केलेली मृत्युपत्र वैध मानली जात नाही.
• मृत्युपत्र लिहिण्यापूर्वी आवश्यक वैद्यकीय तपासण्या करून डॉक्टरांचे प्रमाणपत्र घेणे गरजेचे ठरते. हे प्रमाणपत्र मृत्युपत्रकर्त्याची समजशक्ती आणि मानसिक स्वास्थ्य दर्शविण्यास मदत करते, जे भविष्यात मृत्युपत्राच्या वैधतेबाबत उद्भवणाऱ्या वादांना टाळण्यास उपयुक्त ठरू शकते.

२. मृत्युपत्रधारक (Beneficiary)

• मृत्युपत्र कोणासाठी केली जात आहे, म्हणजेच लाभार्थी (beneficiary) कोण असेल हे स्पष्ट असणे आवश्यक आहे.
• लाभार्थी कोणताही असू शकतो – नातेवाईक, मित्र, किंवा कोणतीही सामाजिक संस्था.
• जर लाभार्थी वारसांपैकी एक असेल, तर इतर वारसांची संमती आवश्यक असते.
• मृत्युपत्राने लाभार्थीला देण्यात येणारा हिस्सा संपत्तीच्या १/३ (एक तृतीयांश) मर्यादेत राहायला हवा.

३. मृत्युपत्र केलेली संपत्ती (Bequeathable Property)

• मृत्युपत्र फक्त त्या संपत्तीबाबत करता येते, जी मृत्युपत्र करणाऱ्या व्यक्तीच्या मालकीची असते.
• दुसऱ्याच्या संपत्तीवर मृत्युपत्र करता येत नाही.
• कोणतीही हराम किंवा अवैध संपत्ती मृत्युपत्रीमध्ये समाविष्ट करता येणार नाही.
• स्थावर (जमीन, घर) आणि जंगम (सोने, रोकड) दोन्ही प्रकारच्या मालमत्तेची मृत्युपत्र केली जाऊ शकते.

४. मृत्युपत्र करण्याची पद्धत (Mode of Execution)

• मृत्युपत्र लिखित (written) किंवा तोंडी (oral) स्वरूपात असू शकते.
• लिखित मृत्युपत्र अधिक सुरक्षित आणि कायदेशीरदृष्ट्या मजबूत असते, त्यामुळे भविष्यात वाद कमी होतात.
• तोंडी मृत्युपत्र फक्त साक्षीदारांच्या उपस्थितीत केली जावी, अन्यथा ती पुढे सिद्ध करणे कठीण होऊ शकते.
• साक्षीदार म्हणून किमान २ पुरुष किंवा १ पुरुष आणि २ स्त्रिया असणे आवश्यक आहे.

५. साक्षीदार (Witnesses)

• मृत्युपत्र कमीत कमी दोन विश्वासार्ह साक्षीदारांच्या उपस्थितीत केली पाहिजे.
• हे साक्षीदार मृत्युपत्रदाराच्या इच्छेची पुष्टी करण्यासाठी महत्त्वाचे असतात.
• मुस्लिम कायद्यात, पुरुष १ = स्त्रिया २ या प्रमाणे साक्षीदारांच्या साक्षीला महत्त्व दिले जाते.
• साक्षीदार हे मृत्युपत्रधारक असू नयेत, कारण त्यांचे हितसंबंध वादग्रस्त ठरू शकतात.

६. मृत्युपत्रदाराचा मनोदय (Intent of the Testator)

• मृत्युपत्र करणाऱ्या व्यक्तीचा उद्देश स्वच्छ आणि स्पष्ट असावा.
• संपत्ती कोणाला, किती प्रमाणात आणि कोणत्या अटींवर द्यायची आहे, हे नीट नमूद केले पाहिजे.
• कोणत्याही गैरसमजुती किंवा चुकीच्या व्याख्या होणार नाहीत, याची काळजी घ्यावी.

७. मृत्युपत्र मागे घेणे किंवा बदलणे (Revocation or Modification of Will)

• मृत्युपत्रदार आपली मृत्युपत्र कधीही मागे घेऊ शकतो किंवा बदलू शकतो, जोपर्यंत तो हयात आहे.
• जर नवीन मृत्युपत्र तयार केले तर जुने मृत्युपत्र रद्द होते ( जुने मृत्यपत्र रद्द केलेबाबत उल्लेख करणे हिताचे असते ).
• काही विशिष्ट परिस्थितींमध्ये, वारस देखील न्यायालयात जाऊन मृत्युपत्र आव्हान करू शकतात.

८. मृत्युपत्र कार्यान्वित होण्याची प्रक्रिया (Execution of the Will)

• मृत्युपत्रदाराच्या मृत्यूनंतर, लाभार्थी किंवा वारस संबंधित कायदेशीर प्रक्रिया पार पाडतात.
• इस्लामी वारसा कायद्यानुसार, मृत्युपत्र केलेल्या संपत्तीचे वितरण १/३ च्या मर्यादेत केले जाते.
• कोणत्याही प्रकारच्या वादविवादाच्या परिस्थितीत, न्यायालय किंवा काझी यांच्याकडे अंतिम निर्णय घेतला जाऊ शकतो.